Барчамиз гувоҳи бўлиб турганимиздек дунё бўйлаб кенг тарқалган коронавирус инфекциясига қарши юртимизда тинимсиз курашиш ишлари олиб борилмоқда. Ҳозирда олинаётан барча вакциналар коронавируснинг мавжуд штаммларидан ҳимоя қила олади. Энг асосийси, "COVID-19”га қарши эмланиш касалликнинг нохуш ва оғир асоратларидан асрайди. Шу муносабат билан Навбаҳор туман ҳокими ўринбосари К.Аллаев томонидан тумандаги мавжуд оилавий поликлиникаларда "COVID-19”га қарши эмлаш ишлари бўйича амалга оширилаётган ишлар билан танишиб, аҳоли ўртасида эмлаш муҳимлиги тўғрисида тарғибот, тушунтириш ишларини олиб бориш кераклиги тўғрисида тавсиялар берди.