"18 май- Халқаро музейлар куни” муносабати билан 2015 йил 14 май куни Навбаҳор туманидаги Сармишсой табиий-археологик мажмуа музей қўриқхонасида илмий-амалий семинар бўлиб ўтди.
Дастлаб семинар иштирокчилари учун Сармишсой қоятошларидаги суръатларнинг тарихи ва бугунги кундаги аҳамияти тўғрисида батафсил маълумот бериб ўтилди.
Ушбу илмий-амалий семинар давомида 37-сонли ихтисослаштирилган мактаб интернати ўқитувчи ва ўқувчилари томонидан расмлар кўргазмаси ташкил этилди. Бундан ташқари илмий-амалий семинар иштирокчилари учун туман Маданият ва спорт ишлар бўлимига қарашли Марказий маданият уйи ҳузурида ташкил этилган "Хушон замон” фольклор этнографик халқ ҳаваскорлик жамоаси томонидан концерт дастури намойиш этилди.
Ж.Мардонов