20.11.2024

Navbahor tumani "Qorajon" mahallasi hududida joylashgan "Qizilqum parranda baraka" MCHJ bugungi kunda tovuq va tuxum yo'nalishi bo'yicha o'z faoliaytini olib borib, aholiga sifatli tuxum va go'sht mahsulotlarini yetkazib bermoqda.

Jarayonlar bilan tanishish maqsadida Navbahor tumani hokimi Azamat O'roqov ushbu korxonada bo'ldi. Korxonada bugun bir kunda 55 mingtadan ortiq tuxum mahsulotlari tayyor holga keltirilib, bozorga chiqarilmoqda.

Shuningdek, ishlab chiqarilayotgan tuxum mahsulotlarini eksport qilish uchun chet davlatlar vakillari bilan aloqalar o'rnatilib, shartnomalar tuzish choralari ham ko'rilmoqda.

Shunday korxonalarning faoliyat olib borishi tumanda nafaqat ichki bozorni tuxum mahsulotlari bilan to'ldirish va arzon narxlarda bo'lishiga xizmat qilish, balki tuman aholisini ish bilan ta'minlashga ham xizmat qiladi.