08.06.2024

Навбаҳор туман ҳокими Азамат Ўроқовнинг навбатдаги сайёр қабули бўлиб ўтди.

Қабул давомида туман ички ишлар бўлими бошлиғи Уйғун Шукуров, туман солиқ инспекцияси бошлиғи Шерали Бердиевлар ҳамда 30 нафарга яқин фуқароларни ҳоким диққат билан тинглади ва имкон қадар улар оғирини енгил қилишга ҳаракат қилди.

"Кўҳрон" маҳалласи аҳолиси учун тумандаги 5-мактаб биносида бўлган қабулда фуқаролар томонидан соғлиқни сақлаш, тадбиркорлик, моддий ёрдамлар, таълим кредитлари ва шу каби масалаларда фуқаролар мурожаатлари тингланди. Мурожаатларнинг 2 таси жойида бартараф этилиб, соғлиқни сақлаш, "Дафтарлар" ва ноқонуний қурилишлар бўйича бўлган мурожаатларга ҳуқуқий маслаҳатлар берилди.

"Биз ҳар бир мурожаатга масъулият билан ёндашиб, халқ розилигига эришишимиз шарт ", ‐ деди туман ҳокими Азамат Ўроқов масъулларга қарата.