Навбаҳор тумани "Мирзо Улуғбек" маҳалласида вилоят ҳокими К.Турсунов ва вилоят сектор раҳбарларининг тадбиркорлар билан учрашуви ўтказилди.
Учрашув давомида ташриф буюрган тадбиркорлар томонидан 35 дан ортиқ мурожаатлар келиб тушди. Мурожаатларнинг аксарияти кредит олишда кўмаклашиш, кредит тўлови муддатини узайтиришда амалий ёрдам бериш ва ер ажратиш учун кўмак бериш билан боғлиқ бўлди.
Муаммоларнинг 21 таси учрашувнинг ўзида ҳал қилинди.
Ўрганиш талаб қилинган мурожаатлар бўйича эса тегишли ташкилот раҳбарларига топшириқ ва тавсиялар берилди.
