ТУМАН ҲОКИМИ ОЛИС ҲУДУДЛАРДАГИ ИЖТИМОИЙ ҲИМОЯГА МУҲТОЖ ВА КАМ ТАЪМИНЛАНГАН ОИЛАЛАРГА ЯНГИ ЙИЛ БАЙРАМ ШУКУҲИ ИЛА ТАШРИФ БУЮРДИ.
Ижтимоий ҳимояга муҳтож оилаларнинг турмуш даражасини оширишга қаратилган чора-тадбирларни давом эттириш, ушбу тоифа вакилларининг Янги йил байрамини кўтаринки руҳда ва муносиб нишонлашини таъминлаш мақсадида, Ўзбекистон Республикаси Президентининг "Аҳолининг кам таъминланган қатламларини қўллаб-қувватлаш ва ижтимоий ҳимоясини янада кучайтиришнинг қўшимча чора-тадбирлари тўғрисида”ги қарори тасдиқланди. Ушб қарорга асосан Навбаҳор тумани ҳокими Л.Облақулов бошчилигида тумандаги кам таъминланган ва ижтимоий ҳимояга муҳтож оилаларганинг қуйидаги қатламларига 800 минг сўмдан бир марталик моддий ёрдам кўрсатилмоқда. Жумладан туманда 2021 йилда 78 та оила темир дафтарда рўйхатда туради, уларга 800 минг сўмдан жами 62,4 млн сўм маблағ, 18 ёшгача фарзандлари бор боқувчисини йўқотганлик пенсияси ёки нафақасини олувчи оилалар сони 767 та оила бўлиб уларга 800 минг сўмдан жами 613.6 млн сўм маблағ ва ногиронлиги бўлган 18 ёшгача боласи бўлган 1038 та оилага 800 минг сўмдан жами бўлиб 830.4 млн сўм маблағ тарқатилмоқда. Шунингдек байрам муносабати билан Ҳурматли Президентимизнинг байрам табриги, ушбу оилаларнинг фарзандлари учун янги совғалари ва озиқ-овқат маҳсулотлари ҳам тарқатилмоқда. Байрам арафасида ушбу тадбирлар давом эттирилади.
