Навбаҳор туман ҳокимининг навбатдаги сайёр қабули "Янги ҳаёт" маҳалласи фуқаролари билан бўлиб ўтди.
Навбаҳор туман ҳокимлиги, тегишли мутасаддилар иштирок этган сайёр қабулда фуқароларнинг ҳар бир мурожаати алоҳида назоратга олиниб, уларни ҳал этиш чоралари кўрилди. Хусусан фуқароларнинг уй-жой, моддий ёрдам, кредит масалалари билан боғлиқ мурожаатлари ижроси юзасидан тегишли раҳбарларга топшириқлар берилди.
Мурожаатларнинг аксарияти жойида ижобий ҳал этилди.
Сайёр қабулда 20 нафардан ортиқ фуқаро томонидан 30 га яқин мурожаатлар йўлланди.
Навбаҳор туман ҳокимининг халқ билан мулоқот қилиш, уларнинг муаммоларини тинглашга қаратилган сайёр қабуллари давом этмоқда.