Давлат статистика органларида тадбиркорларга

яратилган имтиёзлар

Ўзбекистон Республикасининг 2016 йил 29 декабрдаги "Тадбиркорлик фаолиятининг жадал ривожланишини таьминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар қабул қилинганлиги муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги ЎРҚ-418-сон Қонуни қабул қилиниб, 2017 йилнинг 1 январидан бошлаб кучга кирган.

Жумладан, Ўзбекистон Республикасининг МЖтКнинг 271-моддаси 11-бандига мувофиқ, "агар ушбу Кодекс 215-моддасининг биринчи қисмида назарда тутилган ҳуқуқбузарликни биринчи марта содир этган тадбиркорлик субьектининг мансабдор шахслари ёки ходимлари ёхуд тадбиркорлик фаолияти билан шуғулланувчи фуқаролар ҳуқуқбузарлик аниқланган пайтдан эьтиборан ўттиз кунлик муддатда йўл қўйилган бузилишларни ихтиёрий равишда бартараф этган бўлса, (бундан фуқароларнинг ҳаёти ва соғлигига зарар етказилган холлар мустасно деб белгиланган)” бундай ҳолатда маъмурий ҳуқуқбузарлик тўғрисидаги ишларни юритишни бошлаш мумкин эмаслиги, бошланган иш эса тугатилиши лозимлиги қайд этиб қўйилган.

Ушбу Ўзбекистон Республикасининг ЎРҚ-418-сонли Қонуни билан тадбиркорларга яратилган имтиёзлардан келиб чиқиб, тадбиркорлик субъектлари томонидан белгиланган муддатларда давлат статистика ҳисоботларини тегишли тартибда тақдим этиб боришларини сўраймиз.

Навбаҳор туман статистика бўлими