Навбаҳор туманида "Яшил макон" умуммиллий лойиҳаси доирасида "Кўчат экиб боғ ярат" шиори остида кўчат экиш ишлари жадаллик билан олиб борилмоқда. Бугунги кунда туман маҳалла ва оилани қўллаб-қувватлаш бўлими ташаббуси билан Фарғона вилоятининг Қува туманидан 25 мингта турли хил мевали ва манзарали дарахт кўчатлари олиб келинди. Тумандаги барча маҳаллаларда фаолият юритувчи ишчи-ходимлар ва аҳоли хонадонларига ушбу олиб келинган кўчатлар экилиши учун тақсимланди. Ушбу хайрли ташаббус босқичма-босқич давом эттирилиб, туманимиз бўйлаб дарахт кўчатларини экиш ишлари салмоғи оширилмоқда.