“Ёш инновациячи” кўрик танловининг туман босқичи ўтказилди

“Ёш инновациячи” кўрик танловининг туман босқичи ўтказилдиO`zLiDeP Навбаҳор туман Кенгашининг йиллик иш режасига асосан жорий йилнинг 2 май куни Навбаҳор Истиқлол касб-ҳунар коллежида туман коллежлари 2-босқич ўқувчилари ўртасида "Ёш инновациячи” кўрик танловининг туман босқичи ўтказилди. "Ёш инновациячи” кўрик танловида O`zLiDeP Навоий вилоят Ёшлар билан ишлаш бўлими бошлиғи Ж.Аслонов, O`zLiDeP Навоий вилоят матбуот хизмати ходимлари, Истиқлол саноат касб-ҳунар колежи, Агроиқтисодиёт касб-ҳунар коллежи , Навбаҳор енгил саноат касб-ҳунар коллежларининг ўқувчи ёшлари, "Келажак депутатлари” гуруҳи аъзолари ёшлар етакчилари қатнашдилар.

Танловни O`zLiDeP туман Кенгаши аппарат раҳбари О.Атақулов кириш сўзи билан очиб, ўз сўзида келажаги буюк Ўзбекистонимизни янада ривожлантириш ёшлар қўлидалигини, ёшларга ҳозирги кунда яратиб берилаётган имкониятлар, ёшларнинг ютуқлари ҳақида сўзлаб, O`zLiDeP Навоий вилоят Ёшлар билан ишлаш бўлими бошлиғиЖ.Аслоновга сўз навбатини берди

Ж.Аслонов 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясининг 2018 йил "Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастури ижросини таъминлаш, O‘zLiDePнинг дастурий мақсад ва вазифаларини амалга ошириш ҳамда инновацион фаолиятни, энг аввало, ёш авлоднинг ижодий ғоялари ва ишланмаларини ҳар томонлама қўллаб-қувватлаш ҳамда рағбатлантириш, мазкур соҳада истиқболли ютуқларни тарғиб қилиш шунингдек, ушбу фаолиятда иқтидорли ёшлар фаол иштирок этиши учун қулай шарт-шароитлар яратиш юзасидан сўз юритиб, жойларда туман босқичларида касб-ҳунар коллежларнинг иқтидорли ўқувчи ёшлари ўз инновацион ғояларини ҳаётга тадбиқ этиш учун астойдил бел боғлаган ёшларимиз сафи кенг эканлигини, ушбу кўрик танловдан ёшлар ўз иқтидорларини ўз қирраларини кашф этиб, унумли фойдаланиб имтиёзларга эга бўлиб келаётганини айтиб, ўқувчи ёшларга тадбирда фаол бўлишларини таъкидлаб ўтди.

Шундан сўнг танлов шартларига ўтилди. Навбаҳор енгил саноат касб-ҳунар коллежи 2- босқич ўқувчиси С.Сафарова тикувчилик, С.Райхонова тўқувчилик, оёқ кийим тўқишни йўлга қўйиш, Н.Олимова дизайнерлик, Ш.Барноев фитнесс спортни ривожлантириш, К.Қувондиқов автохизмат, Навбаҳор агроиқтисодиёт касб-ҳунар коллежи 2-босқич талабаси Р.Зиядуллаева биогаз йўналиши ҳамда Навбаҳор Истиқлол саноат касб-ҳунар коллежи 2-босқич ўқувчиси Ҳ.Қувонов дамафон ва бошқа лойиҳалари билан иштирок этдилар.

Навбаҳор енгил саноат касб-ҳунар коллежининг 2-босқич қизлари тикувчилик-тўқувчилик, дизайнерлик маҳоратларини намойиш этдилар.

Навбаҳор Агроиқтисодиёт касб ҳунар коллежининг 2-босқич талабаси биогаз лойиҳаси билан қатнашиб ўз тақдимотини намойиш этди. Навбаҳор енгил саноат каб-ҳунар коллежи ўқувчиси Автосервис хизматининг хизмат кўрсатиш ва техник хизмат кўрсатаётган вақт йўловчилар дам олиш, кутубхонадан фойдаланиш хизматларини йўлга қўйиш лойиҳаси билан иштирок этди. Ушбу коллежнинг яна бир ўқувчиси фитнесс спорт соҳасини ривожлантириш лойиҳаси билан қатнашди. Навбаҳор Истиқлол касб-ҳунар коллежининг 2-босқич ўқувчиси қуёш энергиясидан фойдаланган S3 телефонларини заряд олдириш, дамафонни бошқа бир ҳолатлари, уй эгаларига қулайлик тарафларининг янги жиҳатларини йўлга қўйиш лойиҳаси билан иштирок этди.

Тақдимотларини намойиш этган ўқувчи ёшлар ҳакамлар ҳайъати томонидан баҳолаб борилди.

"Ёш инновациячи” кўрик танловининг натижалари хакамлар ҳайъати томонидан эълон қилинди.

Туман босқичи ғолиблари эълон қилинди. Танлов натижаларига кўра Навбаҳор Истиқлол касб-ҳунар коллежининг 2-босқич талабаси Қувонов Ҳамиджон Ҳаётжон ўғли 1-ўринни қўлга киритиб вилоят босқичида иштирок этишга тавсия этилди.

Шунингдек, Навбаҳор енгил саноат касб-ҳунар коллежининг 2-босқич ўқувчиси Райҳонова Севара Собит қизи 1-ўринга лойиқ деб топилди.Кўрик танлов иштирокчилари O`zLiDePпартияси томонидан сертификатлар билан тақдирланди.

Танлов якунида танлов иштирокчиларининг берган саволларига мутасадди ташкилотлар ходимлари томонидан тегишли жавоблар берилди.

 

О.Атақулов

O`zLiDeP Навбаҳор туман

Кенгаши аппарат

раҳбари

Агарда Сиз мақолада хатони учратган бўлсангиз, унда хато матнни белгилаб, CTRL + ENTER тугмасини босинг ва сайт маъмурига хабарнома жўнатинг.