9-май "Хотира ва қадрлаш куни" байрам муносабати билан Навбаҳор туман марказида жойлашган "Хотира ва қадрлаш" майдонида тадбир ташкил этилди. Ҳарбий оркестр томонидан янграган мусиқа садолари остида мотамсаро она ҳайкали пойига гуллар қўйилиб, ҳурмат бажо келтирилди. Тадбирда туман ҳокими Л.Облақулов, сектор раҳбарлари, туман ҳокими ўринбосарлари, тумандаги ташкилот, корхона, муассаса ходимлари, ёшлар ва кенг жамоатчилик вакиллари иштирок этди.