Бугун 2021 йил 6 феврал куни Навбаҳор тумани "Келачи" маҳалласида сайёр қабул бўлиб ўтди. Қабулда Навбаҳор туман ҳокими Л.Облақулов фуқароларни қабул қилиб, муаммоларини тинглади. Қабулда 60 га яқин фуқаролар иштирок этди. Фуқаролар тадбиркорлик, уй жой билан таъминлаш, моддий ёрдам кўрсатиш, оилавий муаммолар, коммунал соҳаларга оид 70 га яқин масалалар билан туман ҳокимига мурожаат қилди. Туман ҳокими ушбу масалаларни кўриб чиқиб, мутасадди ташкилот раҳбарларига тегишли топшириқлар берди. Мурожаатлар ижроси назоратга олинди.