САРА УРУҒ - МЎЛ ҲОСИЛ ГАРОВИ

САРА УРУҒ - МЎЛ ҲОСИЛ ГАРОВИ

Қишлоқ хўжалиги экинлари навларининг генетик софлиги ва уруғлари сифатини яхшилаш борасида дала апробация кўриги ўтказилиши кенг аҳамиятга эга ҳисобланади. "Ўзагроинспекция”нинг Навбаҳор туман бўлими томонидан уруғчилик хўжаликларининг уруғлик майдонларида ушбу назорат тадбирлари уюшқоқлик билан ўтказиб келинмоқда.

Туманда 186 та фермер хўжаликлари мавжуд бўлиб, шундан
8 682 гектар майдонини ғалла ва 7 555 гектарини пахта майдонлари ташкил этади. 2020 йил ҳосили учун хўжаликлар ўртасида тендер танлови ўтказилиб, танловда юқори балл тўплаб уруғчилик мақомига эга бўлган 28 та пахта уруғчилик хўжаликларининг 975,5 гектар майдонига Бухоро-102 навининг элита ва R1, 22 та ғалла уруғчилик хўжаликларининг 589,2 гектар майдонларига 2021 йил уруғлик ғалла ҳосили учун "Старшина”, "Давр”, "Гром” навларининг Супер элита ва элита авлодлари экилган.

Ҳозирги кунда энг долзарб масалалардан бири уруғлик ғалла майдонларида олиб борилиши лозим бўлган дала апробация кўриги ҳисобланади. Айтиш керакки, Ўзбекистон Республикасининг "Уруғчилик” тўғрисидаги Қонуни ҳамда Ўзбекистон Республикаси Адлия вазирлиги томонидан 2014 йил 12 июнда 2593-рақам билан рўйхатдан ўтказилган "Экинбоп уруғликлар етиштириш мақсадида экилган навли қишлоқ хўжалик экинларини апробация қилиш тартиби тўғрисида”ги Низом талаблари асосида уруғлик ғалла майдонларини ажралиши қийин бўлган маданий ва бегона ўтлардан ва бегона нав аралашмаларидан тозаланиши, ушбу низом талабларига жавоб бермайдиган майдонлар яроқсизга чиқарилиши туман инспекцияси томонидан назоратга олинган.

Шунингдек, назорат тадбирларида норматив ҳуқуқий хужжатлар талаблари бузилишига йўл қўйилган тақдирда Ўзбекистон Республикаси Маъмурий жавобгарлик тўғрисидаги кодекснинг 104-моддаси, 1-қисми билан яъни, қишлоқ хўжалиги экинларининг навини янгилаш ва нав жойлаштириш тартибини бузиш кўринишидаги маъмурий жавобгарликка тортилиши бўйича туман агроинспекцияси томонидан огоҳлантириш хатлари берилди.

Айни дамда, 1 нав тозалаш ишлари якунланган бўлиб, 2-нав тозалаш ишлари давом этмоқда. 2-нав тозалаш ишларини якунлаган фермер хўжаликларининг уруғлик ғалла майдонлари апробация ишчи гуруҳи аъзолари томонидан апробациядан ўтказиб келинмоқда.

Ўзагроинспекциянинг Навбаҳор туманбўлими катта инспектори Надирбоев Воҳиджон

САРА УРУҒ - МЎЛ ҲОСИЛ ГАРОВИ

Агарда Сиз мақолада хатони учратган бўлсангиз, унда хато матнни белгилаб, CTRL + ENTER тугмасини босинг ва сайт маъмурига хабарнома жўнатинг.