Навбаҳор туман ҳокимлиги матбуот хизмати ва туман фавқулодда вазиятлар бўлими билан ҳамкорликда "Аҳоли ўртасида ис газидан заҳарланиш бўйича олиб борилаётган ишларнинг мазмун-моҳияти" мавзусида матбуот анжумани ўтказилди. Ўтказилган матбуот анжуманида бугунги кунда аҳоли ўртасида соҳа ходимлари томонидан амалга оширилаётган ишлар таҳлили, йўл қўйилаётган камчиликлар, бартараф этилиши лозим бўлган муаммолар ва бажарилиши керак бўлган профилактик тарғибот ишларининг бориш жараёнлари муҳокама этилди. Матбуот анжуманида коммунал соҳада фаолият юритувчи матбуот бўйича бириктирилган масъуллар иштирок этишди.
