Навбаҳор тумани марказидан 20 чақиримча узоқликдаги масофада туманнинг энг чекка ҳудудида жойлашган "Дул дул” маҳалласида аҳоли сони 1507 нафар, шундан 61 нафар ишсиз фуқаролар мавжуд эди. Бугун ушбу маҳаллада 22 нафар аёллар маҳалла биносининг бўш турган хонасида "Дул-дул гўзаллари” номи остида ишлаб чиқариш кооперациясига қарашли тикувчилик маркази очилиб, иш билан бандлиги таъминланди. Ушбу марказнинг очилиш маросимида кенг жамоатчилик вакиллари иштирок этдилар. Шунингдек 2 нафар ишсиз аёлга субсидия асосида енгил конструкцияли кўчма гўзаллик салони ташкил этилиб, бандлиги таъминланди. 10 нафар ишсиз фуқароларга 1 сотихлик субсидия асосида иссиқхона қуриб берилиб, иш билан банд қилинди. "Дул-Дул” маҳалла фуқаролар йиғинида жами хонадонлар сони 357 тани ташкил этади, кўмир ёқилғисига эҳтиёжи мавжуд хонадонлар 20 тани ташкил этиб, шундан 15 тасига 14 тонна 500 кг кўмир ёқилғиси етказиб берилди.
Табиий офат янги кучли шамол туфайли талофат етган маҳалла ҳудудидаги "Дул дул” оилавий шифокорлик пункти биноси вилоят ҳокими ташрифидан сўнг маблағ ажратилиб бинонинг том ва фасад қисми тўлиқ таъмирланди ва янги мебель жиҳозлар олиб берилди. Аҳоли билан суҳбатлашганда уларнинг ҳаётдан мамнунлиги ва Юртбошимизнинг олиб бораётган ижобий ишларидан розилигини ҳис этасиз.
