Бугун юртимиздаги бир гуруҳ таниқли уламолар вилоятимизга ташриф буюрди. Ташриф доирасида эҳтиёжманд оилалар ҳолидан хабар олиш, таниқли уламолар иштирокида жоме масжидларда суҳбатлар ўтказилиши ҳамда олис ва чекка худудлардаги аҳоли вакиллари билан юзма-юз мулоқотлар қилиш кўзда тутилган. Бугун, туманимиздаги "Қалқонота” маҳалла фуқаролар йиғини "Шайх Абул Ҳасан Харақоний” жоме масжидига - Тошкент шаҳар бош имом-хатиби ўринбосари, "Катта Қозиробод” масжиди имом-хатиби- Абдуқаххор Юнусов ташриф буюриб, жамоа билан суҳбатлашди. Аҳли жамоага ҳар бир кун учун Аллоҳ Таолога шукроналик қилиш, дуо қилишлик, ота-оналарга ҳурмат-иззатда, оила муқаддас эканлигини, фарзанд тарбияси билан шуғулланиш, юртимизнинг тинчлиги йўлида Юртбошимиз томонидан олиб борилаётган сай-ҳаракатлар қадрига етиш кераклиги тўғрисида маъруза қилди.
