Yangi O'zbekistonda taraqqiyotning yangi bosqichida inson huquq va erkinliklarini ta'minlash uchun barcha imkoniyatlar yaratila boshlandi. Ijtimoiy, iqtisodiy, siyosiy jarayonlarda fuqarolarning ishtirokini ta'minlash, ularda ertangi kunga bo'lgan ishonch hissini shakllantirish borasida ko'plab sa'yi harakatlar, tarixiy qarorlar qabul qilinmoqda. Shu munosabat bilan, O'zbekiston yoshlar ittifoqi Navoiy viloyati Kengashi hamda Navbahor tuman Kengashi bilan yoshlar yetakchilari uchun "Yosh saylovchi" o'quv-seminari bo'lib o'tdi. Mazkur o'quv-seminarga tumandagi 37 nafar yoshlar yetakchilari faol qatnashdilar. O'quv-seminarning asosiy maqsadi yosh saylovchilar, ayniqsa, saylovlarda birinchi marotaba ishtirok etayotgan yoshlar uchun saylov jarayoniga taaluqli eng zarur ma'lumotlar, saylov yangiliklari tushuntirildi va o'quv-seminar qiziqarli savol-javoblar shaklida bo'lib o'tdi.